“TABUGA”

Tabuga ang paraan na ginagamit ng ibang tao sa industriya ng media tulad ng mga broadcaster at radio announcer. Ang salitang tabuga ay isang negatibong paraan ng pagbibigay ng hindi magandang komento o opinyon na maaaring makaapekto at makasira sa pangalan ng isa o higit pang tao. Sa panahon ngayon, napakabilis kumalat ng balita. Dahil na rin sa modernisasyon. Halimbawa ng mapanirang epekto ng pangtatabuga ay ang pagkwestyon sa trabaho ng isang pulitiko. Paninira at paggawa ng kwento tungkol sa isang artista. Ang mga ganitong pangyayari ay maaaring hayagang marinig sa radyo. Hindi lamang marinig kundi pwede rin itong mapanood sa telebisyon. Meron akong alam na isang taga pagbalita sa radyo na mahilig magbitiw ng mga hindi magagandang salita na talaga namang pangit pakinggan. At kung makapag bigay ng kanyang komento o komentaryo aakalain mong siya ay napaka perpektong tao. Ang masama sa pangtatabuga ay ang pagkuha sa simpatya ng mga tao, manonood o mga taga pakinig at paniwalain sila sa akusasyon na walang katuturan o walang katibayan. Ayon sa aming napag-aralan ang isang magaling na tagapag balita ay hindi dapat naninira ng ibang tao. Gawain ng isang propesyunal na tagapag balita ang mangalap at magbalita lamang ng mga makatotohanang balita na makapag bibigay ng impormasyon sa mga tao. Kung ang isang tagapag balita raw ay nagbabalita lamang upang magkaroon ng maraming pera ibig sabihin ginagamit niya lamang ang kanyang boses sa kanyang pansariling kagustuhan upang maging bida. Marahil hindi niya iniisip ang maaring kapalit nito o balik nito sa kanya. Minsan tayong mga tao ay nagpapadala sa sulsul ng iba. Kaya hindi na natin namamalayan na nakakasakit na pala tayo ng damdamin at nakakatapak na pala tao ng ibang tao. Sabi pa ng aming guro ang ibang reporter daw ay ginagamit ang kapangyarihan upang sindakin at kontrolin ang ibang tao. Para sa akin ang pangtatabuga ay hindi magandang paraan ng pagbabalita. Hindi mo kinakailangang mangtabuga upang maging sikat. Mas mabuti nang sigurado ka sa bawat salitang bibitawan mo o sasabihin mo sa ere. Kaysa naman magbalita ka ng hindi ka sigurado at wala kang katibayan o ebidensyang pinanghahawakan. Na maaaring sa bandang huli ikaw pa ang mapahamak. At dahil sa paninira mo sa iba maaaring mabaliktad ang sitwasyon sa halip na matuwa at maniwala sayo ang mga tao. Pwedeng dahil sa maling pagbabalita mo ikaw pa ang mawalan ng trabaho at masira pa ang pangalan mo. Marami na rin akong nabalitaan na pinatay na reporter. Dahil na rin sa maraming nakaaway at nainis na tao sa paraan ng kanilang pagbabalita. Kung gusto mong magtagal sa iyong trabaho at kung gusto mong mahalin ka ng mga tao sa ginagawa mo. Kailangan matuto kang gawin ang tama o nararapat upang wala kang maagrabyado. Ang ibang mga tagapag balita kasi hindi naman talaga nagtapos sa kursong communication. Habang ang iba naman nagiging reporter dahil maabilidad basta kayang magsalita makakapasok talaga sa field. Ayon naman sa aking dating boss noong ako’y nag oojt pa ang media raw ay maaaring makasira at maari ring makapagpaangat. Kung baga kayang paikutin ng media ang isang tao lalo na ang mga pulitiko at mga artista. Sana huwag masilaw sa kayamanan ang ibang reporter gawin sana nila yung alam nilang dapat nilang gawin. Yung tamang paraan lamang ng pagbabalita hindi yung pairalin ang pandaraya. Tungkulin nilang magbalita at hindi ang manira. Ayon nga sa 24 oras sila raw ay walang kinikilingan, walang pinoprotektahan kundi serbisyong totoo lamang. Kung ganyan rin sana ang itatak sa isipan ng ibang announcer. Di sana nananatili pang buhay yung ibang mga napatay o pinatay na mga reporter. Ika nga nasa huli ang pagsisisi. Tandaan nating lahat na “Nasa Diyos ang awa nasa Tao ang gawa”.