“REBELDE”

Igdi sa Pilipinas kadakol na krimen an nangyayari. Igwang badilan, saksakan, habunan asin mga kaso nin pangmumulestya. Maski pa ngani magkarugo nag gagadanan. Sa sakuyang nahiling asin nadangog na bareta sa tv igwang magtugang na nagiwal asin nagsaksakan manungod sa bangaan sa daga. Tano daw ta igwang mga arog ka ining kaso? Sabi kan iba an mga para gadan itong mga rebelde. Tano baya ta igwang mga rebelde? Siguro, an iba nagrerebelde tanganing maka survive. Ano an mawot sabihon kan mga rebelde ta daw sinda nag-aaklas? Para sako bako man totally mararaot an mga rebelde. An iba sainda nag guiguibo nin sala tanganing maitao an mga kaipuhanan kan pamilya. Mantang an iba nagrerebelde tanganing madangog asin mapansin an saindang di pagkamuya sa sistema igdi sa satuyang nasyon. Kung baga, igwang rason kun tano sinda nagrerebelde. Pwede man nyatong sabihon na baka habo ninda sa klase kan pamamaagi kan mga tawo sa gobyerno na igwa kita ngunyan. Anggan para sainda an ibang polisiya (policy) sa satuyang gobyerno dae man sana nasusunod. Kun satuyang guiguirumdumon an ibang mga rebelde kaparyo kan mga taga Mindanao na mga MILF, ABU SAYAFF, asin iba pang militanteng grupo nanghohostage sinda kan mga foreigner para makakua nin dakulang presyo nin kwarta. Para man makabakal kan saindang pan sadiring kagustuhan asin mga kaipuhan. Pigbabasol kan ibang tawo an mga rebelde sa gabos na krimen. Segun sa opinyon kan iba an mga rebelde an makasalan. Aram nyatong mga pinoy na mayo kitang binatbat sa ibang nasyon. Sinda kadakol na yaman habang kita salat sa yaman. Hasta sa ngunyan kaibahan an Pilipinas sa dakol na kaso nin corruption. Kaya dae ta man basta na sana pagbasulon an ibang rebelde kun habo ninda sa pamumuno kan satuyang pinuno na nakaula sa pwesto ngunyan. An mga rebelde nagrerebelde ta gusto ninda nin pagbabago. Pagbabago sa gabos na sistema.